珠海怡景灣大酒店
Harbour View Hotel & Resort Zhuhai



酒店資料  
酒店地址:

珠海吉大情侶中路47號

官方評級: 五星
酒店類型: 商務
酒店網站: http://www.harbourviewhotel.com/
007 特價訂房熱線 (852) 2137 2007 或 電郵 booking@golf007.com

簡介
酒店離九州港約+分鍾,離拱北不到廿分鐘,臨近海邊。
 
酒店大堂
傳統五星級佈局,Lobby 唔算大但保養得幾好,最特別係放左架唔知幾多級方程式跑車響度。
 
酒店客房
客房重新裝修冇幾耐,空間足夠,色調都幾好,提供免費網線使用,酒店就標榜住其全新床褥舒適度,我覺得都唔錯,不過又唔算最頂班果種,唯一美中不足係個電視機,仲係用緊大大舊果種,係時候換D Plasma 啦, 電視台選擇都只有local台,HBO,Cinemax, CNN或者 in house movie 就冇。
 
酒店設施
有怡風西餐廳、怡景中餐廳、怡景茶社、怡景軒上海菜、大堂吧、室外泳池、英美式桌球、乒乓球、網球、保齡球、麻雀房、健身房、桑拿按摩、夜總會、會議室,設備上黎講都好齊。
 
員工服務
前台Checkin 都好快,其他員工都好有禮貌見人就打招呼,至於Checkout速度嗎,我擺低房卡去左食早餐然後先返去埋單,講唔出快定慢
 
食品質素
007夜晚果餐去左怡風西餐廳食,突然扒癮起(其實我明知響大陸好難食到靚牛扒,試親都"領"野多,通常D扒都用發粉發到"林"晒,又冇肉味),順囗問下服務員D扒掂唔掂,明知答案梗係話得啦,不過見起晒癮,死就死啦!卒之order左份黑椒西冷,結果有驚喜,塊扒正到痺,又香肉味又多肉汁,食完個囗仲留住陣牛油香(蘇)味,正!早餐選擇種類都多,味道亦唔錯。
 
週邊配套
附近冇乜野行,不過隔離有出名既五月花酒樓,去開記住食"一桶雞"同埋"白灼生}",非常唔錯架,仲有間太平洋保健中心,有腳底,有全身按摩,都幾企理。
 
總結
雖然怡景灣都開左好耐(實際年齡我就唔知啦,一定唔止六年),不過都keep 到質素,設施多,員工服務唔錯,五星級都冇作大,酒店仲有九洲港免費接送。
(Dec 2008)